An dr Tür vam nüwa Probelokal vam Männerchor hangat än Zättel: „ Hunde müssen draussen bleiben!“ Na an par Proba stait under däm Spruch i fiiner Handschrift „Der Tierschutzverein“
Zwei vermögendi Damä losend däm Männerchor d’s Selfranga bim Altjahrsinga zua. Da seit di eint zur andära und luget dür uf dän gross Sänger in d’r ersta Reiha: „Där hed aber äs tolls Organ!“
Druf di ander:„I meina er chön au nid schlächt singä!“
An der Prob seid dr einat zum andera: „Diis üba daheimad nützt gar nüt!“ Druf dr ander: „ Du hescht kein ahnig, min Nachbuur hedmer schini Wohnig schon sehr günstig angäbotä“
„Säg, i han ghört du siischt im Männerchor, Als was, als Tenor oder als Bass?“ „Nei, nei als guti Usreed!“
Da ärzellt doch eina usm Chor na d’r Romrais:“Ja dua bin i noch uf’m Petersplatz gsin, dua chunt doch ä so an altä Man i wiisa Hudarä usser uf d Laubä und schlad grad ä so ä ruigä viar viartel – und kein aufm ganza Platz setzt in!“
Da fergät einä die nüw kauft Motorsagä zrug in dä Ladä und muulat: „So äs unhandligs und schwers Schwiinding; grad ein Tannä bini d’s fellä chon“ Dr Verkäufer lad die Sagä amal an. Dr ander losat und fregat:“Sägad was macht den das Schwiinding fürnas Grüsch?“
Wia viil Blondina bruchtma um an Glüabira in’z drea? Di Blondina meint; dächi nur eini, schi hebi di Bira uf und warti wia schi d’Wält drehi!
Wüsst Ihr warum ma über di Bäss kain Witza machät? Über gwüssi Sachä machät ma äbe kein Witz!
Betti zun Anni: „ Wia ischas mit dim nüschtä Fründ, däm Rocksenger letscht Nacht gsin?“ „Ohne Verstercher ischt där gar nüt!“
„Säg warum gaischt du albig vor z’Hus, wenn di Frau singt?“
„Nid das d’Lüüt noch meinänd i chlopfa scha!“
„Mini hübschta Stundä im Läba verdank i d’r Opära!“ „Wiäso, gaischt du den söfälmal gä losa und luagä?“ „Nai aber mi Frau!“
Hitsch zu Jagi: „ Jetz het di Rolf grad ä so angluagät als ob är gmerkt hätti, dass du falschä gsungä hescht!“ „Kain Angscht, i han ä so zrugg gluagät, das är maint, är hai falsch uf’m Klavier vorgspillt!“